Saltkaup ehf er á lista Creditinfo yfir Framúrskarandi fyrirtæki 2016. Þetta er fjórða árið í röð sem Saltkaup lendir á þessum lista.

Creditinfo tekur saman lista yfir þau fyrirtæki sem uppfylla ströng skilyrði um styrk og stöðugleika í rekstri sem lögð eru til grundvallar við greiningu á framúrskarandi fyrirtækjum ársins 2016.

Á Íslandi eru skráð tæplega 35.000 fyrirtæki. Aðeins 624 fyrirtæki uppfylla strangar kröfur Creditinfo. Saltkaup ehf er á meðal 1,7 % íslenskra fyrirtækja sem standast þær kröfur.

Strangt gæðamat og faglegar kröfur

Til þess að eiga kost á viðurkenningunni þurfa fyrirtækin að uppfylla strangt gæðamat byggt á faglegum kröfum og greiningu Creditinfo.

Skilyrðin eru

– Hafa skilað ársreikningi til RSK síðastliðin þrjú ár.
– Líkur á alvarlegum vanskilum þess eru minni en 0,5%
– Rekstrarhagnaður (EBIT) hefur verið jákvæður þrjú ár í röð.
– Ársniðurstaða hefur verið jákvæð þrjú ár í röð.
– Eiginfjárhlutfall 20% eða meira þrjú rekstrarár í röð.
– Eignir hafa numið 80 milljónum króna eða meira þrjú ár í röð.
– Framkvæmdastjóri er skráður í hlutafélagaskrá.
– Fyrirtækið er virkt samkvæmt skilgreiningu Creditinfo